Velkomen til Voss bibliotek.
Hovudbiblioteket finn du i Voss kulturhus. Granvin filial finn du i Kulturbanken i Granvin. På biblioteket kan du låna bøker, film og spel. Me har og eit rikt utval av aviser og tidsskrift. I andre etasje har biblioteket lesesal for studentar, og det er mogleg å tinge studierom.
Folkebiblioteka si oppgåve er å fremja opplysing, utdanning og anna kulturell verksemd, gjennom aktiv formidling og ved å stilla bøker og andre medium gratis til disposisjon for alle som bur i landet. Folkebiblioteka skal vera ein uavhengig møteplass og arena for offentleg samtale og debatt. Følg med på vossbibliotek.no for boktips, arrangement og andre nyhende.
