Bli med på ein lærerik og kjekk dag ved elva! Voss Elveklubb inviterer til Trygg symjing, eit gratis arrangement for alle som ynskjer å verta betre kjende med elva og korleis ein ferdast trygt i vatnet.
Gjennom praktiske øvingar og rettleiing frå sertifiserte instruktørar lærer du om straumforhold, kvar det er trygt å symja, område du bør unngå, og kva du bør tenkja på før du går ut i vatnet. Me snakkar òg om rett utstyr, bekledning og kva som er lurt å ha med seg. Arrangementet høver for alle, uansett erfaring. Kom og lær meir om elva og få ei trygg oppleving i vatnet! Gratis deltaking. Velkommen!
