NordAccordion inviterer til operapub på Tre Brør kafé – ein uformell kveld med store stemmer, sterke melodiar og musikk tett på publikum. På scena møter me Magne Fremmerlid, Henning Sommerro og Kristina Farstad Bjørdal. Med song, klaver og akkordeon byr dei på kjende og mindre kjende innslag frå operaen si verd, i ei ramme der det er kort veg mellom utøvarar og publikum.
Det blir også plass til fleire av Henning Sommerro sine kjende og kjære klassikarar. Sommerro medverkar både på klaver og song, og saman med Fremmerlid og Bjørdal blir det rom for det storslåtte, det leikne og det nære – og truleg nokre overraskingar undervegs. Dette er ein kveld der ein kan senka skuldrane, utan å mista krafta si. Ta med vener, finn deg eit bord og bli med på ein annleis operakveld midt på Vangen.
Medverkande:
- Kristina Farstad Bjørdal
- Magne Fremmerlid
- Henning Sommerro
