To Nobelprisvinnarar – ein poetisk kveld i ord og tonar

Tekstar av to av våre største forfattarar, Jon Fosse og Sigrid Undset, får skina i ei ramme av musikk, song og innlevande tekstframføring denne kvelden. Arnhild Vik (klaver/tonesetting), Eline Holbø Wendelbo (tekst/framføring/song) og Brage Botn Seim (cello) framfører fyrst «Og takk til Gud», med blikk på den religiøse delen av forfattarskapen deira. Etter kaffipause kjem «Nobelt møte» – tonesette dikt av Undset og Fosse – som siste del av kvelden. Sjå vossmaallag.no for meir fyldig presentasjon. To konsertframsyningar og kaffi/bollar kr 350,- (Vipps eller kontant i døra). Eit samarbeid mellom Folkeakademiet Voss, Voss mållag, Voss lyrikklag og Voss kyrkjeakademi, med støtte frå Voss Sparebank.